Pas nisjes së procesit të vaksinimit anticovid prej një jave në vendin tonë ku dozën e parë po e marrin stafet mjekësore nga spitalet Covid, shoqata Doën Sindrom Albania, ka kërkuar përmes shkersave zyrtare që edhe personat me këtë sindromë mbi 16 vjeç të futen në grupet prioritare. Drejtuesja e shoqatës Emanuela Zaimi tha në emisionin Wake Up në Top Channel, studimet kanë treguar se personat mbi 40 vjeç që janë më sindromën doën nëse preken nga covid 19 janë më të riskuar për të kaluar me simptoma të rënda dhe për t’u hospitalizuar. Sipas saj janë rreth 400 persona nga 860 personat me sindromën doën në Shqipëri, që duhet të përfshihen në grupet prioritare Ndërkaq shefja e sektorit të vaskinimit në ISHP, Elda Nelaj tha se Komiteti Teknik i Ekspertëve ka përcaktuar grupet prioritare me të cilat dhe ka nisur procesi. por sipas saj me ardhjen e dozave të tjera në shkurt në proces vaksinimi mund të përfshien edhe grupe të tjera të riskut.