Kreu i SPAK, Altin Dumani shpalosi arritjet dhe sfidat e prokurorisë së posaçme, në mbledhjen e komisionit të monitorimit të asamblesë parlamentare të këshillit të europës. Dumani theksoi nevojën për ruajtjen e pavarësisë institucionale dhe përcaktimin e statusit të prokurorit të posaçëm. Dumani: “Sfida e parë është ruajtja e pavarësisë institucionale të SPAK. Aktualisht kemi një kornizë ligjore që e garanton dhe kjo pavarësi është arsyeja e suksesit të SPAK. Një shqetësim i bërë publik është mungesa e një përcaktimi të qartë ligjor lidhur me statusin e prokurorit të posaçëm pas përfundimit të mandatit të tyre. Mandati është vetëm nëntë vite, dhe më pas kthehen atje ku kanë qënë më parë. Kemi propozuar ndryshimet e nevojshme. Në fund të këtij muaji, ne do të përfaqësojmë edhe komisionerin publik, në rast të ankimimeve të komisionit të vettingut. SPAK ka nevojë edhe për bashkëpunimin e institucioneve të tjera.”