Sondazhet në Francë tregojnë se partia National Rally e ekstremit të djathtë dhe aleatët e saj kryesojnë në parashikime, por nuk kanë shumicën absolute të nevojshme për të formuar një qeveri. Franca do të votojë në raundin e parë të zgjedhjeve të parakohshme parlamentare të thirrura nga presidenti Emmanuel Macron këtë të dielë, ndërsa raundi I dytë do të kryhet më 7 korrik. Sipas mediave të huaja, këto janë një prej zgjedhjeve më të rëndësishme në 22 vitet e fundit. Sipas një sondazhi të Ipsos, Tubimi Kombëtar i ekstremit të djathtë ( RN ) dhe aleatët e tij, Republikanët-Ciotti (LR-Ciotti), kryesojnë në synimet e votimit me 35.5%, më pas vjen Fronti i Ri Popullor majtist-socialist, I cili pasohet me tej nga kampi presidencial i Macron Ansamblit. Shumica absolute në dhomën e ulët të Parlamentit francez ka 289 vende. Lideri i partisë politike që fiton zgjedhjet legjislative mund të bëhet kreu i qeverisë. Ai emërohet nga presidenti i republikës dhe miratohet nga Asambleja Kombëtare.