Që prej muajit nëntor të vitit të kaluar, oficeri i Policisë Demiraldo Heta ishin në përgjim nga kolegët për shkak të disa veprimeve të tij, që cënon rëndë figurën e punonjësit të Policisë së Shtetit. Të dhënat që ishin siguruar nuk provonin qartësisht akuzën e mundshme ndaj tij, ndaj është kërkuar të vijohet përgjimi ambiental dhe fotografik, me qëllimin për të vënë nën akuzë oficerin e implikuar në veprimtari të paligjshme. Ai ka bashkëpunuar me një person të shpallur në kërkim, që jo vetëm kishte një akuzë të rëndë mbi supe, por edhe bënte trafik droge, duke shfrytëzuar një shtëpi. Në një shtëpi në pronësi të personit në kërkim, policia arrestoi një person që paketonte drogë, duke e kthyer këtë banesë në bazë të përgatitjes për shitje të drogave. Vetë Policia nëpërmjet një njoftimi bën me dije se në rrugën “Ndre Mjeda”, në banesën e Arbër Balliut, të shpallur në kërkim në vitin 2019 për “vrasje me dashje e mbetur në tentativë”, ishte edhe oficeri Demiraldo Heta. Të dy këta persona u vunë në pranga, ndërsa pas kontrolleve në një shtëpi tjetër që ishte në pronësi të Arbër Balliut, u arrestua edhe një 56-vjeçar, Igli Pojana, i cili u kap duke paketuar lëndë narkotike. Rasti i oficerit të arrestuar, ka bërë që të rikërkohen të dhëna për të gjithë agjentët e antikrimit, lidhjet e tyre familjare e shoqërore. Nga ana tjetër Shërbimi për Ccështjet e Brendshme dhe Ankesat, po tenton të gjejë mekanizma të ndryshëm për të identifikuar të gjithë ata oficerë që me ccdo mënyrë ndihmojnë në moszbardhjen e ngjarjeje kriminale, si rasti i Arbër Balliut që ndonëse ishte në kërkim nuk është arrestuar, pasi një oficer policie mesa duket shërbente si mburojë për të.