Presidenti i Koresë së Jugut, Yoon Suk Yeol, tha se do të tërheqë vendimin e tij për shpalljen e gjendjes së luftës, pas takimit të kabinetit. Përmes një deklarate televizive ai njoftoi se kishte shpallur gjendje lufte, duke e akuzuar opozitën se është “forcë antishtetërore” dhe duke thënë se po vepronte për të mbrojtur vendin nga “kërcënimet” që paraqet Koreja e Veriut. Asambleja Kombëtare u mbush me ushtarë dhe policë mbrëmjen e 3 dhjetorit dhe helikopterët u panë duke bërë ulje në çatinë e Parlamentit, por tre orë pas vendimit të presidentit, Parlamenti votoi për heqjen e vendimit për shpalljen e gjendjes së luftës, teksa kryetari i Parlamentit, deklaroi se vendimi për shpallje të gjendjes së luftës “është i pavlefshëm”, duke shtuar se ligjvënësit “do ta mbrojnë demokracinë së bashku me njerëzit”.