Mësimi fillon këtë të hënë në të gjitha shkollat 9 vjeçare dhe gjimanzet e Shqipërisë. Për herë të parë, këtë vit edhe fëmijët e moshës 5 vjecare por që mbushin 6 vjeç deri më 31 dhejtor u drejtohen bankave të shkollës, pas udhëzimit të ministrisë së arsimit. Megjithatë, regjistrimet nuk shkuan sikurse pritej. Afati për regjistrim në portalin qeveritar e-albania u shty dy herë për shkak të numrit të ulët të regjistrimeve në klasat e para të shkollave 9 vjeçare. Që prej datës 1 shtator prindërit patën mundësinë të pajisnin fëmijët me materialet mësimore, ku nxënësit nga klasat e para deri tek të tretat përfituan libra të rinj falas, ndërsa për klasat e tjera pajisja me libra vijoi pa asnjë ndryshim. Pavarësisht përpjekjeve për një tjetër panoramë arsimore, edhe këtë vit në disa shkolla mësimi do të vazhdojë të jetë me dy turne. Shkak është bërë jo vetëm fluksi i lartë i nxënësve por edhe rikonstruktimi i shkollave ku punimet nuk arritën të përfundonin para ditës së parë të shkollës.