Ne itali per te dyten dite me radhe është regjistruar një numër i konsiderueshëm infektimesh të reja më koronavirus. Autoritetet shëndetesore kanë raportuar për 1071 raste te reja, që është shifra më e lartë që nga data 12 maj, kur të dhënat e infektimeve ishin mbi një 1000 raste në ditë ndërsa pas kësaj kurba erdhi duke u ulur në vazhdimësi. Rajoni që ka shënuar më shumë raste te reja të shtunën ëshë Lazio me 215, ndjekur nga Lombardia me 185 raste. Lajmi i mirë të shtunën erdhi nga Bergamo, ku për herë të parë që nga fillimi i pandemisë, nuk ka pasur asnjë rast të ri me covid 19. Bergamo ishte qyteti që pësoi një goditje të rendë në muajt e parë të epidemisë, ku u shënuan shumë viktima, sidomos mes të moshuarve, aq sa me trishtim u quajt edhe qyteti pa gjysher. Madje dyshohet se për shkak të tejmbushjes së spitaleve dhe pamundësisë për të trajtuar të sëmurët, shifra e të vdekurve në Bergamo, një nga zonat më të goditura jo vetem në Itali, por edhe në botë, te jetë me e l artë e të dhënat zyrtare. Ndërkaq 3 viktima janë regjistruar në harkun kohor të 24 orëve të fundit, në Itali, ndërsa numri total i viktimave ka shkuar ne 35 430 . ndërsa numri i infektive që nga fillimi i pandemisë ka shkuar në 258 136, prej të cilëve janë shëruar 205 203. Raste aktive në të gjithe vendin përtej adriatukut janë 17 503 persona, shumica e te cilëve janë në izolim në kushte shtëpie. Edhe në terapinë intensive ka pasur shtim të rasteve, ku të shtunën u raportua se po trajtohen 64 pacientë.