Prokuroria e Posaçme kundër Korrupsionit dhe Krimit të Organizuar vijon hetimet pas sekuestrimit të 18.5 milionë eurove në një llogari bankare të nivelit të dytë, para që dyshohet se janë pastruar nga mafia italiane. I përfshirë në këtë skemë rezulton biznesmeni Rezart Taçi, i shpallur nga SPAK në kërkim ndërkombëtar, teksa janë arrestuar kunati i tij Artur Balla dhe ish truproja i tij, Bledar Lilo. Gjithashtu, në Itali janë arrestuar shtetasit Francesco Zummo dhe Fabio Petruzzella, si të përfshirë në skemën e pastrimit të parave në Shqipëri, ndërsa dy italianët të tjerë janë ende në këkrim. Burime bëjnë me dije se SPAK do u kërkojë bankave të nivelit të dytë informacion për të gjitha trasaksione e tjera që këta shtetas mund të kenë bërë vitet në fundit, për të parë nëse janë bërë apo jo komform të gjitha rregullave ligjore.