Zëdhënësi i Kremlinit, Dmitry Peskov, ka thënë se Rusia po monitoron nga afër situatën, pasi presidenti i zgjedhur i SHBA-së, Donald Trump, refuzoi të përjashtonte një veprim ushtarak për të marrë Grenlandën nga Danimarka. Peskov tha se Arktiku ishte në "sferën e interesave kombëtare dhe strategjike të Rusisë dhe se është i interesuar për paqen dhe stabilitetin atje". Qëndrimet e Trump për Grenlandën - një territor kryesisht autonom danez - kanë tërhequr një paralajmërim nga udhëheqësit evropianë. Shefja e Punëve të Jashtme të BE-së Kaja Kallas ka theksuar se "ne duhet të respektojmë integritetin territorial dhe sovranitetin e Grenlandës", dhe gjermani Olaf Scholz e ka bërë të qartë se "kufijtë nuk duhet të zhvendosen me forcë". Trump tha në fillim të kësaj jave se SHBA-ja kishte nevojë si për Groenlandën ashtu edhe për Kanalin e Panamasë "për sigurinë ekonomike" dhe refuzoi të përjashtonte përdorimin e forcës ekonomike ose ushtarake për marrjen e tyre. Dmitry Peskov tha se pretendimet e Trump ishin një çështje e SHBA-së, Danimarkës dhe kombeve të tjera, por Rusia po e shikon situatën "mjaft dramatike". "Ne jemi të pranishëm në zonën e Arktikut dhe do të vazhdojmë të jemi të pranishëm atje," tha ai.