Paralelisht me protestën e thirrur nga Berisha, në kryeministri bëhej pritja protokollare e kreut të qeverisë bavareze, Markus Söder. Në herën e parë që Söder vizitonte Tiranën, pati kaos dhe përplasje politike. Megjithse ish kryeministri Berisha deklaroi se ndërkombëtarët i kanë sytë nga revolucioni opozitar, asnjë koment nuk erdhi në publik nga kryeministri bavarez për protestën. Rama gjithashtu u distancua nga aksioni opozitar. “Një nga gjërat më të bukura që mund të bëjnë gjermanët është se kur flasin në prani të të huajve nuk merren me njëri-tjetrin. Këto janë çështje të brendshme. Në prani të miqve të huaj, unë nuk flas kurrë probleme të brendshme që ne i trajtojmë shqip mes njërit tjetrit. Se ç’farë duhet të thotë pastaj kryeministri se erdhi këtu dhe ne po ziheshim me njëri tjetrin.”