8 Prilli, Dita Ndërkombëtare e Romëve, është një ditë feste e kulturës rome dhe shërben për të rritur ndërgjegjësimin për problemet dhe sfidat me të cilat përballet ky komunitet. Kjo datë përkujton Kongresin e parë Botëror të Romëve, i cili u zhvillua në Londër 50 vjet më pare. Pandemia që përfshiu botën ka goditur veçanërisht komunitetet rome dhe endacake. Kjo edhe për shkak se mirëqenia e tyre varej nga aktivitete që qëndruan të mbyllura kohët e fundit. Jetesa kolektive me lagje të mbipopulluara ku distancat fizike dhe higjiena e mirë është gati e pamundur të ruhet vështirësuan jetesën e tyre gjatë pandemisë. Në shumë vende të Evropës, por edhe në Shqipëri, ata akoma përballen me shumë paragjykime dhe diskriminim nga pjesa tjetër e shoqërisë pavarësisht se jetojmë në një botë ku diversiteti është pjesë e pandashme e saj. E në këtë ditë, natyrshëm lëshohet apeli për të adresuar problemet me të cilat ky komunitet përballet, për më shumë të drejta dhe vëmendje nga të gjithë, për integrimin e tyre në jetën sociale e ekonomike, për punësim, strehim e arsimim. Romët kanë traditat e tyre autentike në muzikë, poezi, kërcim por edhe në pikturë. Muzika tradicionale rome mund të konisderohet edhe se pjesa më e njohur e kulturës së tyre