Detaje të reja janë zbuluar nga sherri mes shqiptarëve, mëngjesin e së shtunës në Triestë të Italisë, ku 8 persona mbetën të plagosur. Mediat italiane, bënë me dije se ngjarja u regjistrua rreth orës 8 të mëngjesit, ku 8 persona mbetën të plagosur, dhe 2 prej tyre momentalisht janë në gjendje të rëndë shëndetësore. Sipas burimeve policore, të shtënat ndodhën pranë një lokali të populluar dhe ishin kalimtarët ata që njoftuan policinë dhe ambulancën, të cilët mbërritën menjëherë në vendin e ngjarjes. Bëhet me dije se deri më tani, policia ka vënë në pranga 2 persona. Si fillim, nga cka u raportua, u tha se sherri ndodhi mes shqiptarëve të Shqipërisë dhe shqiptarëve rë Kosovës, mirëpo këtë të dielë u konfirmua se përplasja ka ndodhur mes 2 familjeve kosovare. Burimet kanë bërë me dije se personat që u përfshinë në këtë sherr janë të moshave 20 deri në 40 vjec dhe punojnë në ndërtim. Ka qenë një kontratë ndërtimi ajo që ka shkaktuar konfliktete mes dy familjeve, pasi njëra kishte vjedhur nga tjetra. Për më tepër, armiqësia mes dy palëve, kishte filuar për shkak të krijimit të një marrëdhënie të një vajze së njërës familje me të një anëtari tjetër. Mesa duket, konfliktet mes 2 familjeve, arritën kulmin më të shtënat që ndodhën pranë lokalit. Në fakt, në Prokurori ishin paraqitur disa ankesa, për kërcënime dhe përndjekje të cilat kishin rezultuar në procedim penal. Dosjet e lidhura tani do të skanohen për të hetuar situatën.