Estonia, Rumania, Lituania dhe Letonia, vendosën këtë të shtunë të ndalojnë linjat ajrore ruse që të përshkojnë hapësirat e tyre ajrore. Kryeministrja e Estonisë, Kaja Kallas në një postim në twitter shkrkuan: Twitter Kallas: “Ne ftojmë të gjitha vendet e BE-së të bëjnë të njëjtën gjë. Në qiejt demokratikë nuk ka vend për aeroplanët e shtetit agresor. Qëndrojmë me Ukriaën. Ndërkohë delegacioni rumun në NATO, deklaroi se sulmi i paprovokuar dhe i pajustifikuar i Rusisë ndaj Ukrainës do të ketë pasoja të rënda, ndaj veprimi i të gjitha shteteve është i domosdoshëm. Letonia mori vendimin për të mbyllur hapësirën e saj ajrore në koordinim me fqinjët e saj Lituaninë dhe Estoninë. Ministri Lituanez, Marius Skuodis deklaroi se Lituania po i bashkohet Letonisë dhe Estonisë në ndalimin e avionëve rusë nga hapësira e saj ajrore. Më herët edhe Mbretëria e Bashkuar, Polonia, Moldavia dhe Republika Çeke mbyllën hapësirën e tyre ajrore për linjat ajrore ruse pas agresionit të rus në Ukrainë.