Claudia Sheinbaum është zgjedhur gruaja e parë presidente e Meksikës, pas një fitoreje të përshkruar si historike. Gati 100 milionë votues ishin regjistruar për të marrë pjesë në zgjedhjet për të zëvendësuar presidentin në largim, Andrés Manuel López Obrador. Rezultatet paraprake tregojnë se ish kryebashkiakja 61 vjecare e Mexico City ka siguruar ndërmjet 58 dhe 60% të votave, ck ai jep një epërsi të rehatshme prej 30 pikësh përqindjeje përballë rivales së saj kryesore, Xóchitl Gálvez.Sheinbaum do ta zëvendësojë zyrtarisht në krye të shtetit mentorin e saj, López Obrador në tetor. Votuesit kanë zgjedhur po ashtu guvernatorët në nëntë nga 32 shtetet e vendit, kandidatët për të dyja dhomat e Kongresit, mijëra kryetarë bashkie dhe drejtues të tjerë lokalë, në procesin më të madh zgjedhor në vend, gjatë të cilit nuk kanë munguar edhe episode e dhunës. Këto zgjedhje u panë gjerësisht si një referendum për López Obrador, një populist që ka zgjeruar programet sociale, por në masë të madhe nuk arriti të pakësojë dhunën e karteleve të drogës në Meksikë. Kushtetuta e Meksikës e ndalon rizgjedhjen e presidentit.Sheinbaumka premtuar të vazhdojë të gjitha politikat e López Obrador, duke përfshirë një pension për të moshuarit dhe një plan në të cilin parashikohet pagesa për të rinjtë praktikantë. Shqetësimet kryesore të votuesve meksikanë në këto zgjedhje ishin dhuna e vazhdueshme e karteleve dhe ekonomia.