Rritja e çmimeve e nxitur nga kriza në Ukrainë ka shtuar frikën e trazirave sociale në Republikën Demokratike të Kongos e cila kërcënohet nga një varfëri ekstreme. Tre të katërtat e familjeve kongoleze jetojnë nën pragun e varfërisë dhe shumë prej tyre i tremben katastrofës. Pasiguria më e madhe shihet në verilindje të vendit ku banorët e kongos vuajnë edhe për shkak të distancës së madhe ndërsa reziku tjetër vjen nga dhuna e bandave. "Autoritetet duhet të bëjnë dicka, përndryshe do të vdesim të gjithë urie”, tha Pascaline Buhume, shitëse ushqimi në Bukavu qyteti pranë liqenit Kivu. Çmimet e ushqimeve janë rritur të gjitha duke e kthyer në një sfidë mbijetesën për ata që fitojnë vetëm dy dollarë në ditë. 50-kilogramë sheqer më parë kushtonin ekuivalenten e $43 ndërsa tani kushtojnë të paktën $60, thotë Buhume. Një bidon 20-kg vaj gatimi tani kushtin $45 dollarë, më parë kushtonte $30. Ndërsa një bukë që më parë kushtonte 1,000 franga kongoleze tani kushton 1,200 thane qytetaret.