SHBA “blindon” kufirin me Meksikën, 4500 trupa nga Garda Kombëtare bashkohen për të kontrolluar fluksin e imigrantëve 22/01 19:26
Departamenti i Shtetit anulon të gjitha udhëtimet e refugjatëve në SHBA.
Të gjitha udhëtimet e refugjatëve në SHBA janë anuluar nga Departamenti i Shtetit. Zyrtarët thuhet se janë udhëzuar të ndalojnë procesin e referimit të refugjatëve jashtë shtetit dhe të ndalojnë një program të administratës së Bidenit që lejon qytetarët amerikanë të sponsorizojnë refugjatët.
Lëvizja nuk prek aktualisht mbajtësit e Vizave Speciale Emigruese, të cilët kanë ndihmuar forcat ushtarake amerikane, thuhet në udhëzim.
Të hënën, ditën kur Presidenti Trump u betua përsëri në Shtëpinë e Bardhë, ai nënshkroi një urdhër ekzekutiv për pezullimin e Programit të pranimit të refugjatëve të SHBA-së (USRAP), duke thënë se Amerikës “i mungon aftësia për të absorbuar një numër të madh emigrantësh, dhe në veçanti, refugjatë, në komunitetet e saj në një mënyrë që nuk rrezikon disponueshmërinë e burimeve për amerikanët”.
Rregulli ndalon USRAP derisa “hyrja e mëtejshme në Shtetet e Bashkuara të refugjatëve të përputhet me interesat e Shteteve të Bashkuara”, thotë urdhri.
Top Channel
