Tragjike në shkollën e mesme të Amerikës, 17-vjeçari vret një studente dhe më pas veten 22/01 22:21
Me Marco Rubion, duket se Donald Trump ka bërë një nga zgjedhjet më të mirë: Ish senatori nga Florida u konfirmua shpejt si Sekretar Shteti në dhomën e lartë të Kongresit Amerikan me një votim unanim që i dha presidentit republikan anëtarin e parë të kabinetit të tij të ri në ditën e inaugurimit.
Rubio konsiderohet si një ndër kandidatët më pak të debatueshëm të Presidentit Trump, votimi përfundimtar për të ishte 99 vota në favor e asnjë kundër.
I emëruari i Presidentit Trump për drejtor të CIA-s, John Ratcliffe pritet gjithashtu të miratohet me një votim të shpejtë. Votimet për emërimet e tjera, duke përfshirë ish veteranin e luftës dhe ish drejtuesin e një emisioni lajmesh në Fox Neës, Pete Hegseth për postin e Sekretarit të Mbrojtjes, pritet të bëhen më vonë gjatë javës. Senori republikan Chuck Grassley e përshkroi Rubion si një “ njeri shumë inteligjent me njohuri të jashtëzakonshme të politikës së jashtme amerikane”.
Me kthimin e Presidentit Trump në Shtëpinë e Bardhë dhe kontrollin e Kongresit nga Partia e tij Republikane, anëtarët e tij të kabinetit pritet të miratohen pa vështirësi të mëdha, pavarësisht skepticizmit fillestar dhe kundërshtimit nga ligjvënës nga të dyja partitë. Rubio është hispaniku i parë dhe folësi i parë i rrjedhshëm i gjuhës spanjolle që merr detyrën e kryediplomatit amerikan. Presidentja e Kosovës, Vjosa Osmani, i uroi Rubios suksese pas emërimit të tij në postin e sekretarit të Shtetit, në atë që Osmani e quajti rol të rëndësishëm.
“Kosova mezi pret të punojë me ju për të forcuar aleancën tonë të qëndrueshme, për të promovuar vlerat tona të përbashkëta dhe për të adresuar sfidat e kohës sonë së bashku”, shkroi Osmani në X. Përgjatë karrierës, Rubio e ka pasur disa herë në fokus rajonin e Ballkanit. Në vitin 2022, ai iu bashkua një grupi senatorësh, i cili i dërgoi letër presidentit të atëhershëm amerikan, Joe Biden, për ta inkurajuar që ta mbajë Ballkanin në vëmendjen e tij.
Top Channel
