Vijon dëbimi i emigrantëve të paligjshëm, 308 arrestime në ditën e parë të administratës së re 23/01 23:27
Qeveria siriane ka rënë pas një ofensive të rrufeshme nga forcat kundër regjimit në të gjithë vendin, duke i dhënë fund sundimit 24-vjeçar të Presidentit Bashar al Assad.
Assad është larguar nga detyra dhe nga vendi pasi ka dhënë urdhër që të ketë një transferim paqësor të pushtetit, tha ministria e jashtme ruse në një deklaratë të dielën.
“Rusia nuk ishte e përfshirë në bisedimet rreth largimit të tij, por kemi qenë në kontakt me grupet opozitare. Moska i bën thirrje të gjitha palëve që të përmbahen nga dhuna.”, thuhet në deklaratën e ministrisë së Jashtme ruse.
Vendndodhja e liderit tani, si dhe ajo e gruas së tij Asma dhe dy fëmijëve të tyre, mbeten të panjohura.
Pamjet që qarkulluan në mediat sociale ndërsa lajmet u shfaqën treguan familje që plaçkitnin pallatet presidenciale në Damask, mijëra festonin në rrugë.
Teherani, një tjetër nga aleatët e Asadit, tha se do të vazhdojë të monitorojë nga afër zhvillimet në Siri dhe rajon.
Fati i vendit është në duart e popullit sirian dhe duhet të ndiqet pa imponim të huaj apo ndërhyrje shkatërruese, tha ministria e jashtme e Iranit.
Rebelët sirianë, të përbërë nga grupe të ndryshme opozitare, thanë se po punonin për kalimin e pushtetit në një organ të ri qeverisës me kompetenca të plota ekzekutive.
Top Channel
