Vijon dëbimi i emigrantëve të paligjshëm, 308 arrestime në ditën e parë të administratës së re 23/01 23:27
Shuma totale e mbështetjes direkte buxhetore nga BE-ja për Ukrainën në vitin 2023 deri më tani është 6 miliardë euro.
Ministria e Financave e Ukrainës publikoi shifrat pas paketës së fundit të financimit. Sakaq, Komisioni Evropian njoftoi sot dhënien e një fondi shtesë prej 1.5 miliardë eurosh për vendin.
Presidentja e Komisionit të BE-së, Ursula von der Leyen tha: “Sot ne po i ofrojmë Ukrainës 1.5 miliardë euro të tjera nën paketën tonë vjetore të ndihmës makro-financiare. Ne do të vazhdojmë të ndihmojmë Ukrainën që t’i rezistojë agresionit të Rusisë, të mbajë institucionet dhe infrastrukturën e saj në funksion dhe të kryejë reforma thelbësore.”
Sipas faqes zyrtare të KE-së, mbështetja totale e vënë në dispozicion nga komisioni dhe vendet anëtare të BE-së që nga fillimi i agresionit të Rusisë shkon në më shumë se 50 miliardë euro.
Kjo përjashton mbështetjen financiare të dhënë për të kujdesur për ukrainasit që ikin nga lufta.
Top Channel
