EUROPA LEAGUE/ Man. Utd ia del në fund përballë Rangersit të Bajramit, Lazio “blindon” kreun, humb Roma (Rezultatet dhe Renditja) 23/01 23:02
Koronavirusi nuk ka kursyer as futbollistët, por shumica e tyre e kanë kaluar pa patur vështirësi. Por, ndryshe ishte situata për lojtarin e Montpellier, Junior Sambia.
23-vjeçari në javën e kaluar u shtrua në spital dhe madje erdhi lajmi se u përkeqësua teksa u dërgua në terapi intensive si dhe për të mirën e tij, mjekët vendosë ta fusnin në koma artificiale. Megjithatë, në ditën e sotme ka ardhur lajmi i mirë dhe mesfushori është në gjendje të qëndrueshme shëndetësore.
Madje, së shpejti pritet që të dalë edhe nga spitali për të vëzhduar trajtimin në shtëpi derisa COVID-19 të zhduket krejtësisht nga organizmi i tij. Por, e rëndësishmja është se pjesa më e vështirë ka kaluar dhe tashmë lufta ndaj virusit vdekjeprurës mund të konsiderohet e fituar. Një lajm fantastik ky për skuadrën e Montpellier dhe të gjithê futbollin francez që për shkak të COVID-19 i vuri drynin përpara kohe këtij sezoni duke shpallur zyrtarisht kampione skuadrën e Paris Saint Germain.
Top Channel
